هذه القصيده اهداء من الشاعر /سالم سلمان معاود الرشيدي
الى الشيخ/ سرهيد بن غنام العمير القلادي
بمناسبة حفل تعينه لحصوله على شيخة آل عمير من القلادان من بني رشيد بحائل
بتاريخ 6/2/1429هـ
بديت بأسم اللي انفـرد فـي كمالـه
واقــول بـسـم الله والحـمـد لله
ويامرحبـا ترحيـب قلتـه وكـالـه
عن صاحب المحفل وعن من تبنـاه
وياليـت حائـل تلتفـت للغـزالـه
وتشوف هاك الخـط يـوم اقتحمنـاه
ويالله لاتذهـب المـلـوك العـدالـه
قمنـا نقلـد مشيهـم ليـن جبـنـاه
موكب من الزحمـه يضلـل ضلالـه
مبداه من وادي الرمـه يـوم قدنـاه
يحمل على متنـه شيـوخ الاصالـه
اعيان عبس اهل المواقيـف والجـاه
والـكـل منـهـم وارداتٍ أحبـالـه
بـدون تعريفـي شيـوخٍ مسـمـاه
وجينا كما وبـلٍ نـزل مـن أخيالـه
ديمٍ علـى المحفـل تركـز بمنشـاه
برقه قصيـد ولا رعـد مـن اثقالـه
كن الصواعـق تشتعـل بـه وتقفـاه
جمـعٍ غفيـر استقبلـه شيـخ قالـه
والله يحيكـم علـى فـعـل يمـنـاه
وعزاه من فكـرٍ خطيـر انفصالـه
والشعر قـام يـدور حولـه ويبـراه
وقعـد يلفـه مثـل لـف المحـالـه
وساق البيـوت اللـي تعلـة وتـدواه
بيتٍ يجـي حكمـه وبيـتٍ ارسالـه
وبيتٍ يعبر عن خفوقي مـن أقصـاه
والشاعـر اللـي مايبرهـن مقالـه
ودك أتعرضه بالطريـق وتخطـراه
ولايتعبر شاعـر وهـو راس مالـه
النقـد والسبحـه وبعـض المبابـاه
لاصار مايصـدر ابيـوت الجزالـه
لقـه ظهـرك ولاتميـدح أبطريـاه
ولا صار مايقـدر يحصـل جمالـه
بشيـوخ ربعـه وش بقالـه بدنيـاه
والا قصيـدي قـد كفلـتـه كفـالـه
في دم وجهي او عسـا الـدم يغشـاه
وصبو لي الفنجال مرضـى البيالـه
هو كيفـي اللـي لعتزيـت اتقهـواه
حلقي انجرح و الصوت خربت احباله
من موقفٍ مـر وعجـزت اتلاشـاه
قبل أمس بين اثنين صـارت مسالـه
و واحد من الاثنيـن بـادر بدعـواه
قلت العـذر والعلـم ماهـو جهالـه
اللي جهل في مـن دعانـا جهلنـاه
هـذا ولـد غنـام واصغـر عيالـه
لو في يدي حيلـه شكينـا واخذنـاه
لنـه ولـد سرهيـد واحنـا خوالـه
نطمع بنجله مـن صفاتـه ومربـاه
وسرهيد في مدحـه تعيـش الاطالـه
اعـد ماواجهـت واللـي سمعـنـاه
هذا الذي بيـن العـرب حـي فالـه
ولابالرجال قصـور لكـن بخصنـاه
مهبول طيـب ومندفـع فـي هبالـه
ومن طاب طيبه ياعسا الموت ينسـاه
ولو ان عبس اهل الفخـر والشكالـه
وعيو على عرفـه ورايـه وسطـواه
خلـوه معهـم ريـس أبكـل حالـه
لين ان (عبلى) أتعاف عنتر وتهـواه
ولو ان عنتر شاف طيـب السلالـه
اهداء على سرهيـد سيفـه وسمـاه
عنتـر ولـد غنـام والا اصطفالـه
أسم الهرم لـن الهـرم مثـل حليـاه
ولا القمـر لـو غـاب هـذا بدالـه
استفغـر الله عدنـا مــا فقـدنـاه
والطيب هذا اللـي شـراه ابحلالـه
وبالعرف والهمه ولاخسـر شـرواه
وبالفعل هـذا اللـي تميـز ألحالـه
والعـز كفـى كـل ربعـه وكـفـاه
والحمل هذا اللي بـرك لـه وشالـه
لله درة يــوم عيـنـي تـحــلاه
والشعر هذا اللـي سمـأ واستوالـه
حتى القصيـد أليـا كتبنـاه يزهـاه
وحي القصيد اللي أعتبرتـه أرسالـه
أوجهـه ماهـو بطوعـة ولرضـاه
وأقـول للـي مايحـصـل جمـالـه
بالشيوخ ربعه وش بقى لـه بدنيـاه
وصبو لي الفنجـال مرضـا البيالـه
حلقى انجرح و الصوت وصلته اقصاه
