قصه واحد غبي راح يخطب

عدد المساهمات : 112 تاريخ التسجيل : 08/05/2008

اسمعو قصة واحد غبي رايح يخطب

هذا انا طال عمركم وطال عمر السامعين حياتي كلها مااسي من يوم انا صغيرون وكل العالم يقولون عني دلخ وسبهه وخبل حتى صارت عقدة نفسية من جد يعني قربت اصدقهم الا شوي
وفي يوم من الاسابيع قلت لازم اثبت للعالم العكس واني عبقري عاد خبركم انا فتيت كومبيوتر قلت لازم افتح محل كمبيوتر بس في البيت وطبعا هالهواية منذو نعومة اظافري وهي عندي يوم كان عندي اتاري كان الشريط اذا خرب انفخه وارجعه ويشتغل وكل شهر انزل تحديث لنفختي ومع اول زبون جاني اعطبت جهازه <==== ترا مو مني انا بس جهازه خلاص انتهى عمره الافتراضي ( عااش التصريف )المهم راحت الايام والسنون والبراطم وقالت لي الوالده لازم نشوف لك بنت الحلال وكان مالي شرط في بنت الحلال الا انها تكون حلوه وبنت برستيجها عالي مثلي <======== ايه هين ولقت لي الوالدة ذيك البنية اللي تقول انها من عائلة محترمة وبنية حلوه واموره بس البنت كان لها شرط انها تشوفني عاد انا قلت عادي ( واثق من نفسي كلي ملح وقبلة ) وحدد الموعد يوم الاثنين بعد المغرب وانا اللي اكشخ ذيك الكشخه طقيت ثوب الدفه قطري ولبست الكبكات الذهبية وشماغ العقل بس عاد تبون الصراحه الفلوس ما كفت ولبست جزمة الكوره اللي لها مسامير ( عادي اهم شي الاخلاق ) وقبل ما اطلع من البيت عشان اروح لبيت خطيبتي طالعت وجهي في المرايه صراحه فيه سؤال جاء في بالي يوم شفت وجهي وهو : بالله هذا شكل انسان؟ ناظرت خشمي اللي ماخذ راحته في وجهي وجيت امسكه ومادريت الا خفاشين طاروا من خشمي الظاهر انهم مضيعين العنوان ..طالعت وجهي مره ثانيه وحبيت ارفع معنوياتي وقلت لنفسي الوجيه الشينه هي الموضه هالايام..بس ماش الشين شين ..حسيت ان السوالف في وجهي اطول من اللازم وقلت ابضبطها ويوم تفلسفت عرمت شعري وتوهقت هو انا اأجل الخطبه اليين ينبت شعري بس اخاف ان البنت تطير وتعرفوني ملكع كل مشكله وعندي لها حل ..وشخصت بشماغي مثل تشخيصة مدني رحيمي اللي كنها أذان فيل
ووصلت بيتهم وانا اللي اخذ ذيك الحصاة من الارض واطق الباب بقوه عشان يسمعون <===== ترا البوية ما جاها شي ابدا
المهم فتح لي ابوها وسلمت عليه ودخلت الا وش اوصف ذاك البيت اللي كلة رخام ×رخام واول ما حطيت رجلي بمشي الا وانا اجيك على وجهي طاايح
وخربت الشخصيه وحقدت على ابوهم …اللي كرها ضحكه وهو جاي يساعدني عشان اقوم وكل ما مشيت بجزمتي الاديداس زلقت ثانيه على الرخام المهم قال لي ابوها الله يهديك لابس هالجزمه ؟ عاد انا على بالي ابصرفها قلت شف شراباتي فرزاتشي
بعدها قلطني ابوها في المجلس وجلس يرحب ويهلي بي .. وانصل على بنته وقال عطينا العصير وشوي الا يوم دخلت خطيبتي ومعها ذيك الصينية اللي فيها كاسين عصير اخذت انا واحد وابوها واحد وجلست هي قدامي وقام ابوها وقال عن اذنكم عندي مكالمة ضرورية ........
والمهم اول ماطلع ابوها بيني وبينكم انا خفت اني اقعد معها بلحالي اخاف الهيئه تمسكني وانا الزم ماعلي سمعتي ..جلسنا دقيقه انا وياها ساكتين طالعت فيها وانا مرتبك وجمعت شجاعتي وقلت السلام عليكم..قالت وعليكم السلام..سكت شوي وقلت مره ثانيه السلام عليكم ( ضاعت العلوم كلها )المهم قلت لازم اتمالك نفسي واكلمها واشوف عقليتها
قلت لها // ترا طلع جهاز جديد من النوكيا
قالت // لاااااااااا
عاد انا حسيت اني فاهم وقوي قلت لازم اتفلسف بعد
قلت // ولو بس اريكسون القديم الكبير افضل منه <==== الله من زين الفلسفة
قالت // صحيييييييح
عاد انا الحين صار عندي اقتناع اني رهيب وانها اعجبت فيني
قالت // انت وشو جهازك ؟؟؟؟؟؟ <==== على بالها معي احدث جهاز
7
7
7
7
7
7 يلعن ام الاحراج
انا عاد قلت ليش الكذب لازم نكون صريحين عشان لو فيه نصيب نكون واضحين قلت لها // جهازي الخليجية بيجر
وهي اللي تضحك ذيك الضحكه كركركركركككركركر
وقعدت عشر دقايق وهي تضحك علي انا وبيجري ياقدمي
المهم يوم خلصت الضحك كبت العصير بدون قصد منها
انا عاد قلت لازم اكسب رضاها واعجابها وانا اللي اطمر عشان ارفع الكاس اللي طاح
تدرون وش صار
7
7
7
7
7
7
7
7
7
7
7
7
وطيت على رجلها بجزمة الكوره ام مسامير
واناظر وجهها الا هو

طبعا نتيجة الزيارة معرووووووووووووووووووووفه

وليه يا دنيا ليه